Kamilla Rahimova Australian Open - 2026 turnirining juftlik bahslarida qatnashishi malum bo'ldi

 30 DEKABR, 2025, 12:00

Avstraliyalik tennischi Ellen Peres ijtimoiy tarmoqlarda 2026 yilgi Avstraliya Ochiq chempionatining ayollar o'rtasida juftlik bellashuvlari uchun ro'yxatdan o'tgan sportchilar nomini elon qilib yubordi.

Malum bo'lishicha, turnirda O'zbekiston vakilasi Kamilla Rahimova rossiyalik Anna Blinkova bilan juftlik hosil qilgan holda bahs olib boradi.

Hozircha Rahimovaning musobaqa yakkalik bellashuvlarida ishtirok etishi yoki etmasligi bo'yicha xabar berilmagan.

Kamilla WTA reytingida juftlikda 136, yakkalikda esa 97-o'rinda qayd etilgan. U dekabr oyi avvalida Anje WTA 125 turnirida g'alaba qozongan edi.

Manba: olamsport.com