"Real" Vinisius va yana ikki yulduzga shubha bilan qaramoqda

 30 DEKABR, 2025, 06:00

Madridning "Real" klubida uch yulduz futbolchining kelajagi borasida shubhalar bor. Vinisius Junior, Daniel Karvaxal va Antonio Ryudiger haqida. ESPN xabariga ko'ra, "qirollik klubi" rahbariyati braziliyalik, ispaniyalik va germaniyalik futbolchining kelasi mavsum jamoada qolishiga ishonmayapti.

25 yoshli Vinisiusning amaldagi shartnomasi 2027 yilgacha mo'ljallangan bo'lsa, 33 yoshli Karvaxal va 32 yoshli Ryudigerning shartnomasi aynan shu yil yozda o'z nihoyasiga etadi.

"Qaymoqranglilar"ning navbatdagi uchrashuvi 4 yanvar kuni bo'lib o'tadi - raqib "Betis". Xabi Alonso jamoasi La Liga turnir jadvalida 18-turdan keyin 2-o'rinni egallab turibdi.