Angliya klubi o'z yulduzi bo'yicha aniq taklif tushsa, u bilan xayrlashishga tayyor

 29 DEKABR, 2025, 16:00

Londonning "Vest Xem" klubi o'z futbolchilaridan birining keyingi taqdirini hal qildi. "Bolg'achilar" qishki transferlar vaqtida 28 yoshli Lukas Paketani sotib yuborishga tayyor.

Avvalroq, ingliz klubi rahbariyati yarim himoyachini qishda sotish shart emasligi va tomonlar kelasi yilning yozida xayrlashishiga ishonishgandi. Ammo Lukasning murabbiylar shtabi bilan doimiy ziddiyatlari va "Vest Xem" klubi vakillari bilan munosabatlari yaxshi emasligi tufayli Paketaga nisbatan qishda tushadigan barcha takliflarni ko'rib chiqishga qaror qildi.

Bu mavsumda braziliyalik futbolchi barcha musobaqalarda 16ta o'yin o'tkazib, 4ta gol urgan. Transfermarkt portali ma'lumotlariga ko'ra, uning narxi 35 million evroni tashkil etadi.

Avvalroq, futbolchiga Paketaga Braziliyaning "Flamengo" klubi jiddiy qiziqish bildirayotgani haqida xabarlar tarqalgan edi.