"Barsa" fanatlarining Reshford bo'yicha pozitsiyasi ma'lum bo'ldi

 29 DEKABR, 2025, 13:00

Mundo Deportivo nashri o'tkazgan so'rovnomaga ko'ra, "Barselona" muxlislarining 54,6 foizi klub "Manchester Yunayted"ga tegishli hujumchi Markus Reshfordni sotib olish g'oyasini faollashtirishini qo'llab-quvvatlamoqda.

Shu bilan birga, muxlislarning uchdan bir qismidan ko'prog'i (35,7 foiz) hujumchining doimiy ravishda klubga o'tishiga qarshi, 6,3 foiz respondent esa klub mavsum yakunida puxta o'ylangan qaror qabul qilishi kerak, deb hisoblaydi.

Reshford "Barselona" tomonidan "Manchester Yunayted"dan ijaraga olingan. Kataloniyaliklar futbolchini 30 mln evroga sotib olish imkoniyatiga ega.

Joriy mavsumda Reshford "ko'k-anorranglilar" safida barcha musobaqalarda 24 ta o'yinda maydonga tushib, ettita gol urdi va to'qqizta golli uzatmani amalga oshirdi.