APL Keyn qilolmagan ishni Kalvert-Lyuin bajardi

 29 DEKABR, 2025, 12:12

"Lids" hujumchisi Dominik Kalvert-Lyuin Angliya Premer-ligasidagi golli seriyasini uzaytirdi.

Yakshanba kuni 28 yoshli futbolchi "Sanderlend" darvozasini ishg'ol qildi va jamoasiga durang (1:1) keltirdi. "Tovuslar" hujumchisi APLda ketma-ket oltinchi o'yinda gol urishga muvaffaq bo'ldi, bunday seriya chempionat tarixidagi ikkinchi to'purar va Angliya terma jamoasining amaldagi sardori Xarri Keyn uchun hech qachon nasib etmagan, deb yozadi Opta. "Tottenxem"ning sobiq yulduzining shaxsiy rekordi - ketma-ket beshta golli o'yin (ikki marta).

Dominik Kalvert-Lyuin 8 ta aniq zarba bilan APLning joriy mavsumi to'purarlari ro'yxatida to'rtinchi o'rinda bormoqda.