"Benfika" Mourino qo'l ostida ketma-ket 10 o'yinda yutqazmayapti
29 DEKABR, 2025, 09:06
"Benfika" Portugaliya chempionatining 16-turida "Braga" mehmoni bo'lib, mag'lubiyatsiz seriyasini davom ettirdi.
Uchrashuv 2:2 hisobida yakunlandi va Lissabon klubiga natijalarning ijobiy dinamikasini saqlab qolish imkonini berdi. Joze Mourino boshchiligidagi jamoa ketma-ket o'nta o'yindan beri mag'lubiyatga uchramayapti. Bu oraliqda "Benfika" ettita g'alaba va uchta durang qayd etdi.
Portugaliya chempionatining 16-turidan so'ng "Benfika" 36 ochko bilan turnir jadvalida uchinchi o'rinda bormoqda. "Sporting"dan ikki ochko, peshqadam "Portu"dan esa etti ochko ortda qolmoqda.
