Keyingi yil yozda yana bir superyulduz erkin agentga aylanadi

 29 DEKABR, 2025, 08:36

"Aston Villa" vingeri Jeydon Sancho "Manchester Yunayted"ga qaytmaydi. 25 yoshli futbolchi "Villa" safida joriy mavsum yakuniga qadar ijara asosida to'p tepadi.

"Qizil iblislar" allaqachon ingliz bilan xayrlashish bo'yicha yakuniy qarorga kelgan, deya tasdiqlaydi insayder Fabritsio Romano. Futbolchining shartnomasi kelasi yozda tugaydi.

Agar rejadan tashqari hech narsa sodir bo'lmasa, iyul oyida Jeydon Sancho yangi klubiga erkin agent sifatida o'tishi mumkin. Eslatib o'tamiz, mankunianliklar 2021 yilda uni Dortmundning "Borussiya" klubidan 85 mln evroga sotib olgandi.