Peres shaxsan o'zi Ramosning «Real»ga qaytishini blokladi

 28 DEKABR, 2025, 16:36

Ispaniyalik mashhur himoyachi Serxio Ramos Meksikaning "Monterrey" klubini tark etganidan so'ng yana qadrdon Madridning "Real" jamoasiga qaytishga harakat qildi.

Marca xabariga ko'ra, 39 yoshli ispaniyalik futbolchi mavsum oxirigacha "qirollik klubi" bilan shartnoma tuzishni taklif qildi, biroq shaxsan Florentino Peres bu transferni blokladi.

Ramos 2005-2023 yillarda "Real" sharafini himoya qilgan. U klub uchun jami 671 ta o'yinda 101 ta gol urib, 40 ta golli uzatma bergan.