"Liverpul" Rodrigo uchun "Real"ga qancha taklif qilishi ma'lum bo'ldi

 28 DEKABR, 2025, 13:54

Madridning "Real" klubi vingeri Rodrigo Angliya Premer-ligasining top-klublaridan biri "Liverpul"ning qiziqishlar doirasida.

Defensa Central xabariga ko'ra, mersisaydliklar 24 yoshli braziliyalik futbolchi uchun 50-60 million evro taklif qilishi mumkin. "Qizillar" safida Rodrigo jamoadagi kelajagi noma'lum bo'lgan misrlik Muhammad Salohning o'rnini egallashi mumkin.

Braziliyalik futbolchi "qirollik klubi" bilan 2028 yilning yarmigacha mo'ljallangan shartnomaga ega.

Rodrigo joriy mavsum "qaymoqranglilar" safida 21 ta bahsda ishtirok etib, 2 ta gol va 4 ta golli uzatma muallifi bo'ldi.