"Galatasaroy" ukrainalik futbolchi bilan shartnoma imzolamoqchi

 28 DEKABR, 2025, 12:18

Ukraina terma jamoasi va Angliyaning "Everton" klubi himoyachisi Vitaliy Mikolenko faoliyatini Turkiya chempionatining top-klubida davom ettirish variantiga ega. Bu haqda Fotospor jurnalistlari xabar berdi.

Manbaga ma'lum bo'lishicha, ukrainalik futbolchiga Istanbulning "Galatasaroy" klubi qiziqish bildirmoqda. Turklar qishki transfer oynasida kelishuvni rasmiylashtirmoqchi.

Eslatib o'tamiz, Mikolenkoning "irislar" bilan amaldagi shartnomasi kelasi yilning yozida o'z nihoyasiga etadi. Himoyachining bozor narxi 25 million evroni tashkil etadi.

Angliya chempionatining joriy mavsumida 26 yoshli ukrainalik futbolchi 15 ta o'yinda maydonga tushib, 4 ta sariq kartochka oldi.