Slot: "Bugun Virts shunchaki gol urishdan ko'ra ko'proq ish qildi"

 28 DEKABR, 2025, 10:24

"Liverpul" jamoasi bosh murabbiyi Arne Slot yarim himoyachi Florian Virtsning ilk goli haqida gapirdi.

- Jamoa u biz uchun qanchalik ko'p ish qilganini ko'rdi - vaziyatlar yaratdi va golga juda yaqin keldi. Futbolda sen haqingda nima deyishayotganini hamma biladi. U biz uchun bittadan ko'proq gol uradi. O'ylashimcha, bugun Florian shunchaki gol urishdan ko'ra ko'proq ish qildi, - dedi Slot.

"Liverpul" 27 dekabr kuni o'z maydonida "Vulverxempton"ni 2:1 hisobida mag'lub etdi, Virts esa "qizillar" safiga o'tganidan keyingi ilk golini urdi. "Liverpul" 32 ochko bilan Angliya chempionatida to'rtinchi o'rinda bormoqda.