Gyuler va Bellingem Alonso ishonchini oqlamayapti: "Real" Modrich o'rniga kreativ yarim himoyachi qidirmoqda

 27 DEKABR, 2025, 23:12

Madridning "Real" klubi Luka Modrich ketganidan keyin maydon markazini kuchaytirish kerakligini tushunib etdi.

Jurnalist Xorxe Pikoning yozishicha, klub o'tgan mavsumdayoq xorvatiyalik futbolchining o'rnini bosa oladigan kreativ yarim himoyachi izlagan, biroq ikkala variant ham rahbariyatni qoniqtirmagan.

Qimmat o'yinchilar byudjetga mos kelmasdi, arzonroq yoshlar esa talablarga javob bermasdi. Bu pozitsiya uchun Arda Gyuler va Jud Bellingem ko'rib chiqilgan, ammo birinchisi hali bu rolga tayyor emas va unga bu pozitsiyada mustahkam o'rnashib olish uchun vaqt kerak, ikkinchisi esa o'zini ko'proq hujumlarni yakunlovchi sifatida ko'rsatmoqda.

"Real"ning asosiy maqsadi "PSJ"dan Vitinya bo'lib qolmoqda, biroq bu transfer hozircha haqiqatga yaqin emas.