Afrika millatlari kubogi. Benin terma jamoasi Botsvanani kichik hisobda mag'lub etdi (videosharh)

 27 DEKABR, 2025, 21:24

Afrika millatlari kubogining 2-turi doirasida Benin va Botsvana terma jamoalari o'rtasidagi uchrashuv yakunlandi. Unda Benin jamoasi 1:0 hisobida g'alaba qozondi. Bahs Marokashning Rabot shahrida joylashgan «Rabot Olimpik» stadionida bo'lib o'tdi.

Ushbu o'yindagi yagona golni 28-daqiqada Yoan Rosh kiritdi va shu orqali Benin jamoasiga g'alaba olib keldi.

Bu natijadan so'ng Benin 3 ochko bilan D guruhida turnir jadvalining uchinchi o'rnida bormoqda. Botsvana esa hali ochko to'play olmagan holda jadvalni yopib turibdi. DR Kongo va Senegal terma jamoalarida ham 3 ochkodan bor va ularning bittadan zaxirada o'yini mavjud.

Afrika millatlari kubogi — 2025 Marokashda o'tkazilmoqda. Musobaqada olti guruhga bo'lingan 24 ta milliy terma jamoa ishtirok etmoqda. Turnir 18 yanvarga qadar davom etadi. Afrika millatlari kubogining amaldagi g'olibi — Kot-d’Ivuar terma jamoasi.

Afrika millatlari kubogi. D guruhi. 2-tur
27 dekabr 2025 yil, shanba.
Benin — Botsvana - 1:0
Gol: 1:0 — Yoan Rosh (28-daqiqa)