Jon Terri ingliz klubi bosh murabbiyiga aylandi

 27 DEKABR, 2025, 12:24

Angliya terma jamoasi va Londonning "Chelsi" klubi sobiq futbolchisi Jon Terri Chempionship klubida ish boshlashi mumkin. The Sun xabariga ko'ra, "Oksford Yunayted" rahbariyati 45 yoshli mutaxassis nomzodini jamoa bosh murabbiyi lavozimiga ko'rib chiqmoqda.

Terri hali bosh murabbiy sifatida ishlamagan. U bungacha "Lester" va "Aston Villa" murabbiylar shtabida ishlagan. Bundan tashqari, Jon "Chelsi" akademiyasida ishlagan.

"Oksford Yunayted" Chempionshipning 23-turidan keyin 22 ochko jamg'arib, turnir jadvalida 22-o'rinda bormoqda. Jamoa navbatdagi bahsni 29 dekabr kuni o'z maydonida "Suonsi"ga qarshi o'tkazadi.