"Real"ning Ryudiger va Karvaxalning kelajagi borasidagi pozitsiyasi ma'lum

 27 DEKABR, 2025, 08:00

Madridning "Real" klubida himoyachilar Antonio Ryudiger va Daniel Karvaxal borasida hali yakuniy qaror qabul qilinmadi.

Har ikkala futbolchining shartnomasi yarim yildan so'ng yakuniga etadi va hozirda shartnomani uzaytirish bo'yicha muzokaralar olib borilmayapti. Jurnalist Mario Kortexananing ma'lum qilishicha, Ryudiger va Karvaxal bilan hamkorlikni davom ettirish bo'yicha qaror keyinroq qabul qilinadi. Ko'p narsa o'yinchilarning saviyasi va salomatligiga bog'liq bo'ladi.

Antonio Ryudiger mart oyida 33 yoshga to'ladi, Daniel Karvaxal esa yanvarda 34 yoshni qarshilaydi.

"Qaymoqranglilar"ning navbatdagi uchrashuvi 4 yanvarga belgilangan - raqib "Betis."