Rasman. Odil Abdumajidov «Andijon» futbolchisi

 26 DEKABR, 2025, 22:24

“Andijon”ning qishki selektsiya ishlari jarayonidagi yana bir yangi xaridi e'lon qilindi.

Bu safar jamoa iqtidorli himoyachi Odil Abdumajidov bilan shartnoma imzoladi.

Klub muxlislari uchun ushbu futbolchi juda yaxshi tanish. Asli andijonlik ushbu o'yinchi 2001 yiling 1 iyun sanasida tavallud topgan. Andijonda aynan katta futbolga kirgan. 

Faoliyati mobaynida “Metallurg”, “Olimpik”, “Dinamo”, “Sho'rtan”, shuningdek, Qozog'istonning “Ordabasi” va “Turon” klublarida to'p tepgan.

Abdumajidov hozirga qadar faoliyati davomida 130 ta o'yinda maydonga tushgan. 5 ta gol urgan va 3 ta assistni bajargan. 2022 yilda “Ordabasi” bilan Qozog'iston Kubogini qo'lga kiritgan.