«Liverpul» Isaakning jarohati sabab «PSJ» forvardi Ramushni ijaraga olishi mumkin

 26 DEKABR, 2025, 20:36

«Liverpul» jarohat olgan hujumchi Aleksandr Isaakning o'rnini qisqa muddatda bosa oladigan bir nechta nomzodlarni ko'rib chiqmoqda. Bu haqda Caught Offside xabar bermoqda.

Manbaga ko'ra, shunday variantlardan biri — «PSJ» hujumchisi Gonsalu Ramush. Mersisaydliklar portugaliyalik futbolchini olti oyga ijaraga olishlari mumkin.

Shuningdek, «Liverpul» «Yuventus» hujumchisi Dushan Vlaxovich va «Al-Ahli» forvardi Ayvan Toni nomzodlarini ham kuzatmoqda. Biroq bu futbolchilarga ko'proq uzoq muddatli echim sifatida qaralmoqda.

Eslatib o'tamiz, Isaak APLda «Tottenhem»ga qarshi o'yin (2:1) vaqtida to'piqdan jarohat olgan bo'lib, unda kichik boldir suyagi sinishi ham mavjud. The Athletic xabariga ko'ra, o'yinchi bir necha oy maydondan chetda qolishi mumkin.