"Barselona" APL jamoasi himoyachisining transferi bo'yicha muzokara olib bormoqda

 26 DEKABR, 2025, 17:48

Kataloniyaning "Barselona" klubi "Nottingem Forest" markaziy himoyachisi Murilloning yaqinlari bilan muzokaralar o'tkazdi.

Bu haqda Sport.es xabar berdi.

Manbaga ko'ra, 23 yoshli futbolchining qishki transfer oynasida jamoani tark etishi ehtimoli kam, biroq uni yozda transfer qilish varianti muhokama qilinmoqda. Qayd etilishicha, "ko'k-anorranglilar" futbolchini qo'lga kiritish yo'lida Angliya Premer-ligasining etakchi klublari bilan raqobatga duch kelishi mumkin.

comhttps://championat.asia/upl ... l.jpg class="fr-fic fr-dii">

Murillo joriy mavsum barcha musobaqalarda 16 uchrashuvda maydonga tushib, 1 ta gol urdi. Futbolchining "Nottingem Forest" bilan bitimi 2029 yilning yozigacha amal qiladi. Transfermarkt malumotiga ko'ra, himoyachining bozor qiymati 55 million evroni tashkil etadi.

Manba: olamsport.com