"Real" himoya markazini kuchaytirishi mumkin bo'lgan ikki futbolchini tanladi

 26 DEKABR, 2025, 05:06

"Real" himoya markazini kuchaytirishni rejalashtirmoqda.

Madrid klubi bu pozitsiyani yopishi mumkin bo'lgan futbolchilarni topish uchun bozorni o'rganmoqda. Shu bilan birga, qishki transfer oynasida transferlar amalga oshishi dargumon.

Avvalroq, "qaymoqranglilar" "Bavariya"dan Dayo Upamekano yoki "Liverpul"dan Ibraima Konate transferini ko'rib chiqayotgani xabar qilingandi - ularning shartnomasi shu mavsum oxirida tugaydi. Biroq, ESPN xabariga ko'ra, bu transferlar deyarli amalga oshirilmaydi.

"Kristal Pelas" a'zosi Mark Gexiga kelsak, futbolchiga "Real" varianti qiziq bo'lardi, ammo madridliklar uni taklif qilishni rejalashtirmayapti.

Madridning "Real" klubi skautlar bo'limi o'z hisobotlarida ikki markaziy himoyachi - "Renn"dan Jeremi Jake va Dortmundning "Borussiya"sidan Niko Shlotterbekka juda ijobiy baho bergan.

Frantsiyalik futbolchi U19 Evropa chempionati vaqtida madridliklar e'tiboriga tushgandi. O'shandan beri Ispaniya poytaxti klubi uni kuzatib boradi.