Braziliyalik futbolchining narxi London klubini cho'chitib yubordi

 25 DEKABR, 2025, 23:24

Londonning "Vest Xem" klubi qishda "Kruzeyro" markaziy hujumchisi Kayo Jorjeni sotib olishga qiziqish bildirdi, deya xabar berdi Ge Globo nashri.

Portal xabariga ko'ra, "bolg'achilar" rahbariyati 23 yoshli braziliyalik futbolchi transferi bo'yicha "Kruzeyro"dan ma'lum so'ragan. Klub o'z futbolchisi uchun 100 million funt so'raganidan so'ng ingliz jamoasi bu transferdan darhol voz kechgan.

Transfermarkt portali 22 million evroga baholagan hujumchining amaldagi shartnomasi 2028 yil yakunigacha mo'ljallangan. U jamoa uchun jami 69 ta o'yinda 33 ta gol urib, 11 ta golli uzatma amalga oshirgan.