Mareska "Aston Villa"ga qarshi o'yindan oldin Palmerning holati bo'yicha ma'lumot berdi

 25 DEKABR, 2025, 18:36

"Chelsi" bosh murabbiyi Entso Mareskaning ishonch bildirishicha, yarim himoyachi Koul Plamer 27 dekabr kuni Angliya chempionatining 18-turidan o'rin olgan "Aston Villa"ga qarshi bahsda to'liq 90 daqiqa o'ynay oladi.

"Menimcha, Koul to'liq 90 daqiqa o'ynashga tayyor, ha. U "Everton"ga qarshi bir soat, keyin esa "Nyukasl"ga qarshi 70 daqiqadan ko'proq o'ynadi. Shunday ekan, o'ylaymanki, oldinga siljish bor, u o'zini yaxshi his qilmoqda va hozir u to'liq 90 daqiqa o'ynay olishiga ishonaman," - deya Mareskaning so'zlarini keltiradi klub rasmiy sayti.

Angliya chempionatining joriy mavsumida 23 yoshli Koul Palmer 7 ta o'yinda maydonga tushib, 2 ta gol urishga muvaffaq bo'ldi. Shuningdek, uning hisobida Chempionlar Ligasida bitta o'yin va bitta gol bor.