"Tottenxem"ning yanvar oyidagi transfer balansi ochiqlandi

 25 DEKABR, 2025, 13:30

Londonning "Tottenxem" klubi qishki transferlar oynasida nimalarni rejalashtirayotgani haqida ma'lumotlar paydo bo'ldi.

The Sun nashriga ma'lum bo'lishicha, yanvar oyi holatiga ko'ra, "Tottenxem" rahbariyati yangi futbolchilarni sotib olish uchun 172,5 mln evro ajratgan.

Avvalroq, "shporlar" "Manchester Siti"dan Omar Marmush va Savioga qiziqish bildirayotgani haqida xabarlar tarqalgan edi. Bundan tashqari, poytaxt klubi darvoza pozitsiyasini, shuningdek, maydon markazini kuchaytirish niyatida.

Ortda qolgan 17 turdan so'ng "Tottenxem" Angliya Premer-ligasi turnir jadvalida 22 ochko bilan 14-o'rinda bormoqda.

28 dekabr, yakshanba kuni Tomas Frank shogirdlari "Kristal Pelas" mehmoni bo'ladi. 18-tur o'yini Toshkent vaqti bilan 20:30 da start oladi.