«Atletiko» Evropaning 7 klubi qiziqish bildirayotgan futbolchisining narxini e'lon qildi

 25 DEKABR, 2025, 12:00

Yarim himoyachi Konor Gallaxer qishki transferlar vaqtida "Atletiko"ni tark etishi mumkin. Bu haqda insayder Ekrem Konur xabar bermoqda.

Manbaga ko'ra, ispanlar Gallaxerni ijaraga bermoqchi emas, ammo uni to'liq sotishga tayyor. "Matraschilar" xavbek uchun taxminan 46-52 mln evro ishlab olmoqchi.

Gallaxer xizmatiga "Manchester Yunayted", "Tottenxem", "Aston Villa", "Nyukasl", "Chelsi", "Milan" va "Yuventus" klublari qiziqish bildirmoqda.

Joriy mavsumda 25 yoshli Gallaxer barcha turnirlar hisobida 25 ta o'yinda maydonga tushib, 3 ta gol urdi va 1 ta golli uzatmani o'z hisobiga yozdirib qo'ydi.