«Liverpul» 17 yoshli braziliyalik iqtidor uchun «ov» boshladi

 24 DEKABR, 2025, 23:36

«Liverpul» Janubiy Amerikaning eng istiqbolli yarim himoyachilaridan biri — Braziliyaning «Gremio» klubi vingeri Gabriel Mek uchun kurashga qo'shildi.

Angliya klubi 17 yoshli futbolchi uchun 15 million evro miqdoridagi dastlabki taklifni tayyorlamoqda. Bir qarashda bu summa yosh o'yinchi uchun yaxshigina bo'lsa-da, «Gremio» rahbariyati so'rovni rad etishi kutilmoqda, chunki klub o'z tarbiyalanuvchisi uchun ancha katta mablag' ishlab olishni rejalashtirmoqda.

Mek 2024/25 yilgi mavsumda 15 ta uchrashuvda maydonga tushib, 3 ta gol muallifi bo'lgan.