"Marsel" hujumchisi faoliyatini Italiyada davom ettirishi mumkin

 24 DEKABR, 2025, 22:30

"Marsel" hujumchisi Nil Mope Italiyaning "Piza" klubi safiga o'tishi mumkin. Bu haqda Footmercato xabar bermoqda.

Futbolchi provansalliklarning asosiy tarkibidan tushib qolgan va joriy mavsumda atigi uchta o'yinda maydonga tushib, bitta gol urgan. "Marsel" yaqin transferlar oynasi doirasida o'zi umid qilmagan futbolchilar bilan xayrlashib, jamoadagi maoshlar jadvalini kamaytirmoqchi. Taxminlarga ko'ra, hujumchi ijara asosida Italiya jamoasi tarkibini to'ldirishi mumkin.

Mopening "Marsel" bilan amaldagi mehnat shartnomasi 2028 yilning yozigacha mo'ljallangan. Futbolchining hozirgi transfer narxi 4 mln evroga baholanmoqda.