"Manchester Yunayted" "Milan"ga qarshi o'ynashi mumkin

 24 DEKABR, 2025, 12:24

"Manchester Yunayted" kelasi yilning fevral oyida Saudiya Arabistoniga borishni rejalashtirmoqda, deb yozadi The Times.

Jurnalistlarga ma'lum bo'lishicha, mankunianliklar Yaqin Sharqda o'rtoqlik o'yini o'tkazishni rejalashtirmoqda. Ruben Amorim jamoasiga Italiya A Seriyasi vakili "Milan" raqiblik qilishi mumkin.

Angliya Premer-ligasining 17-tur yakunlariga ko'ra, "Manchester Yunayted" 26 ochko bilan turnir jadvalida ettinchi o'rinda bormoqda. Mankunianliklar peshqadam Londonning "Arsenal" klubidan 13 ochko ortda qolmoqda. "MYu" chempionatdagi navbatdagi o'yinini o'z maydonida "Nyukasl"ga qarshi o'tkazadi.