"Manchester Siti" hujumkor yarim himoyachisini ijaraga beradi
24 DEKABR, 2025, 11:12
"Manchester Siti" hujumkor yarim himoyachisi Klaudio Echeverri "Jirona"ga ijaraga beriladi.
19 yoshli futbolchi mavsumning birinchi yarmini "Bayer"da o'tkazdi, ammo kutilgan natijalarga erisha olmadi va asosiy tarkibga kira olmadi.
Uning ijarasi yaqinda muddatidan oldin bekor qilindi. Jurnalist Sezar Luis Merloning so'zlariga ko'ra, umidli argentinalik endi "Jirona"da o'z omadini sinab ko'radi.
Kataloniya klubi futbolchini "shaharliklar"dan olti oyga ijaraga olmoqda. Shartnoma yanvar oyi boshida kuchga kiradi.
