"Liverpul" "Nyukasl" yulduzi xizmatlariga qiziqish bildirmoqda

 24 DEKABR, 2025, 08:12

Angliyaning amaldagi chempioni "Nyukasl" qanot hujumchisi Entoni Gordonga qiziqish bildirmoqda. Bu haqda BILD xabar berdi.

Manbaga ko'ra, 24 yoshli futbolchining xizmatlariga "Liverpul" qiziqish bildirmoqda. Mersisaydliklar jamoani kuchaytira oladigan vingerlarni faol qidirishda davom etmoqda va nomzodlardan biri aynan Angliya terma jamoasi a'zosi Gordon hisoblanadi.

Gordon joriy mavsumda barcha musobaqalarni hisobga olgan holda 21 ta o'yinda maydonga tushib, 7 ta gol urdi va 3 ta golli uzatmani o'z hisobiga yozdirib qo'ydi.

Nufuzli "Transfermarkt" internet portali ma'lumotlariga ko'ra, futbolchining narxi 60 million evroni tashkil etadi.