Fabritsio Romano Shkrinyarning "Milan"ga o'tish imkoniyatiga baho berdi

 24 DEKABR, 2025, 07:54

Taniqli insayder Fabritsio Romano "Milan" "Fenerbaxche" markaziy himoyachisi Milan Shkrinyarga qiziqish bildirayotgani haqidagi mish-mishlarga munosabat bildirdi.

"Inter"ning 30 yoshli sobiq futbolchisi "rossonerilar"ning qishki transferlar oynasidagi maqsadlaridan biri sifatida tilga olindi.

"Milan"da boshqa profildagi himoyachi qidirilmoqda. Shkrinyar "Fenerbaxche" sardori, u sotilmaydi. Hozircha uning "Milan"ga o'tishi mumkinligini taxmin qilish uchun hech qanday asos yo'q," - deydi transferlar bo'yicha mutaxassis Romano.

Milan Shkrinyar 2017 yildan 2023 yilgacha "Inter" sharafini himoya qilgan. O'tgan yozda "Fenerbaxche" slovakni "PSJ"dan 6 mln evroga sotib olgandi. Transfermarkt portalida futbolchining narxi - 11 mln evro.