Isakka jiddiy jarohat etkazgan futbolchi uzr so'radi

 24 DEKABR, 2025, 06:42

Mikki van de Ven Aleksandr Isakdan uzr so'radi. U shvetsiyalik forvardning jiddiy jarohat olishiga sabab bo'lgandi.

"Liverpul" hujumchisi jarohati tufayli "Tottenxem"ga qarshi o'yinni (2:1) oxirigacha davom ettira olmadi. APLning 17-turidan o'rin olgan o'yinda tanaffusdan so'ng darhol zaxiradan maydonga tushgan Isak 56-daqiqada hisobni ochdi. U Florian Virtsning uzatmasidan so'ng birinchi teginishdayoq zarba berdi, shundan so'ng shvedning to'pig'i "shporlar" himoyachisi van de Venning oyoqlari orasida qolib ketdi.

Shvetsiyalikda boldir suyagining sinishi bilan bog'liq jarohat aniqlandi, futbolchi operatsiya qilindi.

Isakning aniq tashxisi ma'lum bo'lgach, van de Ven u bilan bog'lanib, kechirim so'radi, deb yozadi The Times.