Gexi yangi klubi bilan allaqachon kelishib olgan bo'lishi mumkin

 23 DEKABR, 2025, 22:30

Himoyachi Mark Gexi yaqin kelajakda "Kristal Pelas"ni tark etib, mavqei yuqoriroq klubga ko'tarilishi deyarli aniq. Sky Sports jurnalisti Kave Solexol Gexining "Liverpul" bilan "jentlmencha" kelishuvi bo'lishi mumkinligini aytdi. Himoyachi yozgi transferlar oynasi oxirida mersisaydliklar safiga o'tishi mumkin edi, ammo kelishuv barbod bo'ldi.

Jurnalistning ta'kidlashicha, Gexi 1 yanvardan boshlab xorijiy klublar bilan muzokaralar o'tkazish imkoniyatiga ega bo'ladi. 25 yoshli futbolchiga "Bavariya", "Real" va "Barselona" qiziqish bildirmoqda. Katta ehtimol bilan Mark kelasi yozda jamoasini o'zgartiradi.

2025/2026 yilgi mavsumda 27 ta o'yinda Mark Gexi ikkita gol urdi va to'rtta golli uzatma muallifiga aylandi.