Ueyn Runi APLda chempionlik uchun kurash olib boradigan ikki klubni aytdi

 23 DEKABR, 2025, 09:30

«Manchester Yunayted»ning sobiq hujumchisi Ueyn Runi Angliya chempionatida g'oliblik uchun qaysi jamoalar kurash olib borishini aytdi.

«Hozirga qaraganda, aynan “Arsenal” va “Manchester Siti” APL jadvalining yuqori qismida ajralib chiqishi mumkin bo'lgan ikki jamoa sifatida ko'rinadi. Biroq “Liverpul”ni ham hisobdan chiqarib bo'lmaydi — agar ular bir nechta o'yinda g'alabalar seriyasiga erishsa, bu jamoani hech qachon e'tibordan chetda qoldirib bo'lmaydi. Agar ularda qo'llab-quvvatlash va ishonch paydo bo'lsa, hali o'z so'zini aytishi mumkin. Ammo, menimcha, aynan “Arsenal” va “Siti” oldinga chiqib ketadi. “Aston Villa” ajoyib o'ynamoqda, lekin, mening nazarimda, chempionlik poygasi ikki etakchi o'rtasida kechadi», — deya Runining so'zlarini keltiradi Goal.

Ayni paytda «Arsenal» APL turnir jadvalini 39 ochko bilan boshqarib turibdi. Ikkinchi o'rinda «Manchester Siti» (37 ochko), uchinchi pog'onada esa «Aston Villa» (36 ochko) joylashgan.