FIFA yangi texnologiyani sinovdan o'tkazmoqda

 23 DEKABR, 2025, 05:54

Xalqaro futbol federatsiyasi (FIFA) to'p maydon tashqarisiga chiqib ketganini aniqlashga yordam beradigan yangi texnologiyani sinovdan o'tkazmoqda, deb yozadi BBC.

Out of Bounds deb nomlangan innovatsiya 2025 yil dekabr oyida Qatarda bo'lib o'tgan Qit'alararo kubokning uchta o'yinida sinovdan o'tgan texnologiyalar seriyasidan biri bo'ldi.

FIFA, shuningdek, ko'rish chizig'ini hisobga olgan holda ofsayd qarorlarni tezlashtirish va tushunarliroq qilish uchun real vaqt rejimida 3D rekonstruktsiya qilish imkoniyatlarini kengaytirdi.

Yangi texnologiyalar FIFA va Hawk-Eye Innovations tomonidan ishlab chiqilgan. Ular milliy ligalarga taqdim etilishi hozircha noma'lum.