Arteta Gabriel Jezus asosiy tarkibga qaytishi mumkinligini aytdi

 22 DEKABR, 2025, 22:48

Yaqinda "Arsenal" hujumchisi Gabriel Jezus tizzasidan olgan jarohatidan tiklanib safga qaytdi. O'shandan beri braziliyalik futbolchi uch marta zaxiradan maydonga tushdi. "Kanonirlar" bosh murabbiyi Mikel Arteta Jezus Liga kubogi doirasida "Kristal Pelas"ga qarshi o'yinni asosiy tarkibda boshlay oladimi, degan savolga javob berdi.

- Ha, mumkin. Buni qanchalik istashi hozirdanoq ko'rinib turibdi. Tez orada u o'z imkoniyatiga ega bo'ladi," - deya Artetaning so'zlarini keltiradi Goal portali.

"Arsenal" va "Kristal Pelas" 23 dekabr, seshanba kuni Liga kubogining chorak final uchrashuvini o'tkazadi. Qarama-qarshilik g'olibi yarim finalga yo'l oladi va u erda "Chelsi"ga qarshi o'ynaydi.