"Tottenxem" "Siti" vingeri uchun kurashga qaytdi

 22 DEKABR, 2025, 15:42

"Manchester Siti"ning qanot hujumchisi Savio Londonning "Tottenxem" klubiga o'tishi mumkin. Bu haqda jurnalist Devid Ornshteyn ma'lum qildi.

Eslatib o'tamiz, yozgi transfer oynasida "shaharliklar" 21 yoshli braziliyalikni "shporlar" safiga qo'yib yubormagan edi. Endi "Manchester Siti" Savio borasidagi fikrlarini o'zgartirdi. Mish-mishlarga ishonadigan bo'lsak, klub u bilan yanvar oyida mavsumning birinchi qismidagi ishonchsiz o'yin tufayli xayrlashishga tayyor.

Ornshteynning so'zlariga ko'ra, "Bornmut" vingeri Antuan Semeno bilan muzokaralar oson kechmayotgan "Tottenxem" vaziyatdan unumli foydalanishi mumkin.

Bu mavsumda Savino Premer-ligada 13 ta o'yinda maydonga tushdi va ularda birorta ham gol ura olmadi, ammo ikkita golli uzatmani amalga oshirdi.