Rossiya sobiq sport vaziri Rahimova, Kudermetova va Timofeevaning O'zbekistonni tanlaganiga munosabat bildirdi

 22 DEKABR, 2025, 14:16

Rossiya sobiq sport vaziri, qilichbozlik bo'yicha Olimpiada chempioni Pavel Kolobkov rossiyalik Mariya Timofeeva, Kamilla Rahimova va Polina Kudermetovaning O'zbekiston bayrog'i ostiga o'tishi haqida gapirdi.

"Tennischilarning boshqa mamlakatlarga ketishi avval ham bo'lgan. Bu tennischilarning motivlari haqida o'ylashni istamayman. Bu birinchi navbatda Rossiya tennis federaciyasiga tegishli masala. Ehtimol, O'zbekistonda ularga qandaydir yaxshi moliyaviy sharoitlar taklif qilingandir. Bu birinchi va oxirgi holat emas, bu sportchilarning odatiy migraciyasi. Xo'sh, dunyoning 55, 104 va 143-raketkalari boshqa davlatga o'tdi, bu ularning tanlovi", - deya Kolobkovning so'zlarini keltiradi "VsyoProSport".

Manba: olamsport.com