"Milan" yangi hujumchi transferini qachon yakunlashi ma'lum bo'ldi

 21 DEKABR, 2025, 21:24

Hujumchi Niklas Fyullkrug "Milan" a'zosiga aylanishga yaqin turibdi. Taniqli jurnalist Fabritsio Romanoning ijtimoiy tarmoqlarda ma'lum qilishicha, "Milan" va "Vest Xem" kelasi haftadayoq kelishuvni yopishni rejalashtirmoqda.

Shu tariqa, Fyullkrug "Milan" safiga yanvar oyining boshida, A Seriyada qishki transferlar oynasi ochilganda kelib qo'shilishi mumkin bo'ladi. "Rossonerilar" fevral oyida 33 yoshga to'ladigan germaniyalik futbolchini ijaraga olmoqda.

Italiya chempionatida "Milan" navbatdagi o'yinini 28 dekabr kuni o'z maydonida "Verona"ga qarshi o'tkazadi. Ayni paytda Massimiliano Allegri jamoasi jadvalda 2-o'rinni egallab turibdi.