Semeno uchun kurashda APLning ikki grandi etakchilik qilmoqda

 21 DEKABR, 2025, 13:06

"Bornmut" yulduzi Antuan Semeno uchun kurashda favoritlar ma'lum. Vingerga uzoq vaqtdan beri Angliya Premer-ligasining deyarli barcha grandlari qiziqmoqda, ammo ayni damda u uchun bahsda "Manchester Siti" va "Manchester Yunayted" etakchilik qilmoqda, deb yozadi jurnalist Ben Jeykobs. Katta ehtimol bilan transfer yanvar oyidayoq amalga oshadi.

Antuan Semenoning "Bornmut" bilan shartnomasida 65 mln funt sterling (deyarli 75 mln evro) miqdorida tovon puli ko'rsatilgan bo'lib, u 10 yanvarga qadar amal qilishi haqida avval xabar berilgandi. 25 yoshli ganalik futbolchi klubini o'zgartirishga tayyor, ammo aynan qaerga o'tishni ma'qul ko'rishi hozircha noma'lum.