Gasperini "Roma" forvardidan norozi

 21 DEKABR, 2025, 12:06

Rimning "Roma" klubi ustozi Jan-Pero Gasperini "Yuventus"ga qarshi kechgan bahsda jamoa forvardi Evan Fergyusonning harakatlaridan norozi bo'ldi. "Bo'rilar" safarda "keksa sinora"ga 1:2 hisobida imkoniyatni boy berib qo'ydi.

"Men Fergyusonning o'yinidan hayratda emasman. Lekin gap uning o'yin mahoratida emas. Evanda hozir kerakli kayfiyat yo'q. Va bu jamoaning bunday muammoga duch kelgan yagona futbolchisi emas. Bu boshqa yangi kelganlarda ham kuzatilmoqda," - deya mutaxassisning so'zlarini keltiradi klub matbuot xizmati.

Fergyuson joriy mavsum 17 ta o'yinda qatnashib, 3 ta gol va 1 ta golli uzatma muallifi bo'ldi.