"Sevilya" futbolchisi - "Real" bilan o'yindagi hakamlik haqida: "Men yaxshisi jim turaman"

 21 DEKABR, 2025, 11:48

"Sevilya" yarim himoyachisi Lyusen Agume Madridning "Real" klubiga qarshi o'yindagi hakamlik haqidagi savolga javob berdi.

38-daqiqada "qaymoqranglilar" Jud Bellingemning sa'y-harakatlari bilan hisobni ochgan bo'lsa, 68-daqiqada mehmonlar bir kishi kam bo'lib qoldi - Markos Markan ikkinchi sariq kartochka orqali maydondan chetlatildi. Uchrashuv yakunida "Sevilya" darvozasiga penalti belgilandi va uni Kilian Mbappe golga aylantirdi. O'yin 2:0 hisobida yakunlandi.

- Hakamlik? Men u haqda gapirmaslikni afzal ko'raman. Bu o'yinlarda har doim bir xil narsa sodir bo'ladi. Biz tushunmaydigan ko'plab qarorlar mavjud. Men gapirmaslikni afzal ko'raman, chunki aks holda... Men yaxshisi jim turaman," - deya Agumening so'zlarini keltiradi Madrid Zone.