Kurtua: "Biz o'sishimiz kerak"

 21 DEKABR, 2025, 09:48

"Real Madrid" darvozaboni Tibo Kurtua "Sevilya" ustidan 2:0 hisobidagi g'alabadan so'ng o'z taassurotlari bilan o'rtoqlashdi.

Xabi Alonso shogirdlari Jud Bellingem va Kilian Mbappening gollari evaziga g'alabani qo'lga kiritishdi, ammo belgiyalik darvozabon ham jamoaning g'alabasiga hissa qo'shib, beshta zarbani qaytardi.

"Rostini aytsam, biz o'sishimiz kerak. Bu muhim g'alaba edi, lekin biz yaxshiroq o'ynashimiz kerak. Umid qilamanki, bu qisqa tanaffus jamoaga foyda keltiradi.

Biz standart vaziyatlar va penaltilar evaziga g'alaba qozondik.

Biz 2026 yilda ancha kuchliroq bo'lishimiz kerakligini tushunamiz", dedi Kurtua intervyusida.