Mbappe "PSJ" va Frantsiya terma jamoasidan tabrik oldi

 20 DEKABR, 2025, 16:48

Kilian Mbappe 27 yoshni qarshiladi. "Real" hujumchisini sobiq klubi "PSJ" va Frantsiya terma jamoasi bayram bilan tabrikladi.

Parijliklar ijtimoiy tarmoqda qisqa tabrik e'lon qilishdi.

- Mbappe 27 yoshni qarshiladi! Tug'ilgan kuning bilan, Kilian! - deyiladi "PSJ" xabarida.

Frantsiya terma jamoasi ham o'z sardorining yutuqlarini eslatib, uning terma jamoadagi ajoyib statistikasi - deyarli yuzta o'yin va yuqori samaradorligini ta'kidladi.

"Qaymoqranglilar" ayni damda La Liga turnir jadvalida 2-o'rinni egallab turibdi. Kechqurun jamoa "Sevilya"ga qarshi o'yin o'tkazadi, bu madridliklar uchun 2025 yildagi so'nggisi bo'ladi.