"Bavariya" va "Liverpul" bir hujumchi uchun kurash olib boradi

 20 DEKABR, 2025, 16:42

Daniyaning "Midtyullan" klubi markaziy hujumchisi Frankulina Ju Germaniya Bundesligasiga ko'chib o'tishi mumkin. Bu haqda insayder Kristian Falk ijtimoiy tarmoqlar orqali xabar berdi.

Jurnalistning yozishicha, Myunxenning "Bavariya" klubi vakillari 21 yoshli futbolchining ehtimoliy transferi bo'yicha dastlabki muzokaralarni boshlagan. Bitim Germaniya chempioniga 25-30 million evroga tushishi mumkin.

Ju uchun kurashda "Bavariya"ga Dortmundning "Borussiya" va "Liverpul" klublari raqiblik qiladi.

Hujumchi 2025/2026 yilgi mavsumda 30 ta o'yin o'tkazib, 21 ta gol va 3 ta golli uzatmani o'z hisobiga yozdirib qo'ygan.