"MYu" niderlandiyalik yulduz uchun da'vogarlik qilmoqda

 20 DEKABR, 2025, 14:18

"Inter"ning 29 yoshli niderlandiyalik himoyachisi Denzel Dyumfris uchun "Manchester Yunayted", "Aston Villa" va "Nyukasl" klublari kurash olib bormoqda. Bu haqda TEAMtalk nashri yozmoqda.

Yaqinda to'pig'idan olgan jarohatiga qaramay, APL klublari futbolchini o'z safiga qo'shib olmoqchi. Insayderlar ma'lumotiga ko'ra, inglizlar Dyumfris bahorda jarohatidan forig' bo'lgach, uni kuzatib bormoqchi. Yozda voqealar ijobiy rivojlansa, shartnoma taklif qilinadi.

Dyumfris 2021 yildan beri "Inter"da o'ynamoqda. Himoyachi bu mavsumda 15 ta o'yinda maydonga tushib, 3 ta gol urgan.