"Real" skautlari Niderlandiyadan chiqqan yulduzni kuzatmoqda

 20 DEKABR, 2025, 05:54

"AZ Alkmaar" yarim himoyachisi Kes Smit Evropa grandlari e'tiborida bo'lib turibdi.

19 yoshli futbolchiga asosiy da'vogarlardan biri Madridning "Real" klubi bo'lib, boshqa top-klublar ham qiziqish bildirmoqda. Insayder Matteo Morettoning yozishicha, "qaymoqranglilar" skautlari istiqbolli xavbek ishtirokidagi o'yinlarga bir necha bor tashrif buyurib, uning o'yinini batafsil o'rganib chiqqan.

Transfermarkt saytida Kes Smitning narxi - 22 mln evro. Futbolchining "AZ Alkmaar" bilan shartnomasi 2028 yilning yarmigacha mo'ljallangan. Joriy mavsumda niderlandiyalik futbolchi jamoasining 26 uchrashuvida 2+5 golli harakatlar amalga oshirgan.