"Bavariya"ning ikki yulduzi Bundesligada narxi eng ko'p pasaygan futbolchilar ro'yxatida peshqadam bo'ldi

 19 DEKABR, 2025, 18:30

Xarri Keyn 2025/26 yilgi mavsumda doimiy ravishda gol urib kelmoqda, ammo Transfermarkt ma'lumotlariga ko'ra, uning qiymati pasaygan. Bu uning yoshi bilan bog'liq bo'lishi mumkin - Keyn hozir 32 yoshda.

Yangilangan narxlar ro'yxatiga ko'ra, "Bavariya" yulduzlari Xarri Keyn va Jamal Musiala Bundesligada eng katta narxlarning pasayishini ko'rishdi. Ularning narxi 10 million evroga pasaydi. Keyn hozirda 65 million evro, Musiala esa 130 million evroga baholanmoqda.

"Verder" futbolchisi Viktor Bonifase Germaniya ligasida eng qadrsizlangan futbolchilar ro'yxatida uchinchi o'rinda. Uning narxi 8 million evroga pasaydi va hozirda 12 million evroni tashkil etadi.