Xoselu: «Real»da menga o'xshash o'yinchi yo'q»

 19 DEKABR, 2025, 11:18

"Al-Garafa" hujumchisi Xoselu Madridda juda mashhur ekanligini aytdi.

Ispaniyalik futbolchi Qatarga o'tishdan oldin "Real Madrid"da 2023/24 yilgi mavsumni ajoyib o'tkazdi.

"Madridda odamlar meni to'xtatib, "Real Madrid"ga qaytishimni so'rashadi, chunki jamoada hozirda menga o'xshash o'yinchi yo'q. Men uchun bu men u erda bo'lganimda hamma narsani to'g'ri qilganimning belgisidir. Men 18 ta gol urdim - bu oson emas. Odamlar buni qadrlashadi", dedi 35 yoshli hujumchi Diario AS nashriga bergan intervyusida.

Xoselu "Los Blankos"ga 2024 yilda La Liga va Chempionlar Ligasida g'alaba qozonishga yordam berdi, keyinchalik esa Ispaniya bilan Evropa chempionligini qo'lga kiritdi.