"Bavariya" muhim futbolchisi bilan kelishuvga erishdi

 19 DEKABR, 2025, 05:36

"Bavariya" hujumchisi Serj Gnabri shartnomasini uzaytirishga tayyor. Uning amaldagi shartnomasi kelasi yilning o'rtalarida tugaydi, ammo tez orada uzaytirilishi kutilmoqda.

"Bayern & Germany" nashrining xabar berishicha, tomonlar kelajakdagi hamkorlik shartlari bo'yicha printsipial kelishuvga erishishgan. 30 yoshli futbolchining yangi shartnomasi 2028 yilgacha amal qiladi. Barcha o'yin bilan bog'liq bonuslar faollashtirilgandan so'ng, hujumchi yiliga taxminan 15-16 million evro maosh oladi.

Serj Gnabri ushbu mavsumda Vensan Kompani jamoasi safida 20 ta o'yinda beshta gol urdi va ettita golli uzatmani amalga oshirdi.