Levandovski Messi jamoadoshiga aylanmaydi

 18 DEKABR, 2025, 21:06

Hujumchi Robert Levandovski Lionel Messi bilan bir jamoada o'ynamaydi. Nufuzli insayder Fabritsio Romanoning ijtimoiy tarmoqlarda ma'lum qilishicha, 37 yoshli Levandovski tegishli mish-mishlarga qaramay, "Inter Mayami"ning short-listida yo'q.

Qayd etilishicha, Levandovski hozirda faqat "Barselona"dagi o'yinlari haqida o'ylamoqda. Polyakning kelajagi masalasini faqat kelgusi yil hal qiladi.

Amaldagi shartnoma Robert Levandovskini 2025/2026 yilgi mavsum yakuniga qadar "Barselona" bilan bog'lab turadi. Nufuzli "Transfermarkt" portali tajribali to'purarni 9 million evroga baholamoqda.