Gvardiola o'rniga "Manchester Siti" mashhur murabbiy olib kelishi mumkin

 18 DEKABR, 2025, 18:00

Anonimlik sharti bilan yaxshi xabardor manbalar 2025/26 yilgi mavsum Xosep Gvardiola uchun "Manchester Siti" boshqaruvidagi so'nggisi bo'lishi kutilayotgani haqida gapirdi. Biroq yakuniy qaror mavsum yakuniga yaqin qabul qilinadi. Bu haqda The Athletic sahifalarida ma'lum qilindi.

Manbaning ta'kidlashicha, "Manchester Siti" Gvardiola bilan xayrlashgan taqdirda rejalar tuzmoqda. Murabbiy o'zgarganda "shaharliklar" uchun asosiy nomzodlar orasida hozirda "Chelsi"da ishlayotgan Entso Mareska ham bo'ladi.

Mareska avvalroq Gvardiola shtabida ishlagan, shuningdek, "Manchester Siti" yoshlar jamoasini boshqargan. Mutaxassis yaqin kelajakda "Chelsi"dan iste'foga chiqarilishi mumkinligi haqida mish-mishlar yuribdi.